Day 1 – 吹玻璃、公設市場、一魚一會

11/11/2017 – Day 1 – 吹玻璃、公設市場、一魚一會

今日到達石垣島天氣很不好,天陰陰又有雨,由於過關花了很多時間,所以遲左去取車,機場外面有個位置係每間租車公司會安排接送到租車處,我地都等左一點時間才集齊人出發,其實租車既位置同機場係非常近,步行10多分鐘都到,不過拖著行李就比較麻煩,所以都係搭接駁車,租車過程十分快,今次安排了一架非常細CC的車給我們,不過2個人,都OK既

由於過關時間用了很久,導致我地遲到了去吹玻璃既地方,之前已在網上預約,到步時知道會遲到都立即SEND EMAIL過去通知對方,怕對方以為我們no show

機場出發過去大概20分鐘左右,幸好到步後其實都只得我們,可以繼續比我地玩,第一次吹玻璃,好緊張,佢都會先給你看一張流程介紹,再示範一次給我們看才正式開始

由我開始先,玻璃球會先燒一下,再教我地吹氣入去,有大細力之分,吹完個刻都有點頭暈暈,吹大左個空間後就要係個開口度慢慢碌下碌下,碌闊個口,就會變成玻璃杯,整完之後唔可以即時拎走,要等1日後少可拎,但因為明天是星期日,不開門,所以要待星期一才可取

玩完就去開餐了,13:10去了puff puff食lunch,這裡是海景餐廳,可惜今天天氣很差,下雨中,沒有好漂亮既海景,望到這天氣,都心知不妙,未來幾天相信都唔太好,本來book左玩滑翔傘,最終都因為天氣玩唔到,非常失望!這餐廳是半自助餐,沙律,飲品,麵包等是任食,跟一個主菜。

食完lunch就先去酒店check in,由於早check in,酒店可安排泊車既位置就在酒店對面,非常方便,如果遲check in,就要泊到比較遠的位置,不過車場都很細小,只有幾個位,由於石垣島不是很大,主要行既地方都好近酒店,所以可以先泊好車慢慢走

酒店房都幾大幾舒服,在酒店休息了一會就行去公設市場,公設市場那裡有條短短既手信街,基本上都係主力買手信既地方,這裡是最多遊人既

行完公設買左少少野就早點去食晚飯,去左市場附近的一魚一會,這間餐廳都頗多人推介,所以去試下,這裡有音樂表演,很有氣氛,食完就回酒店休息了