2019水仙

今年第一年學人界水仙,上網睇左好多youtube片段教界水仙頭,膽粗粗自己去買水仙頭界, 仿間普遍教由年初一提前20-22日左右開始浸水仙頭,當然天氣都會影響時間長短,而我就決定1/12去買水仙,買時姐姐話17-18界都可以,我買左1盒8個頭特大水仙皇,因怕17-18號太遲,所以決定1/14先界4個,17號再界埋餘下4個

睇片睇好多,好似唔難咁,但到自己做就好緊張,仿間好多不同方法界水仙頭,2刀又有,3刀又有,6刀又有,真係唔知跟邊個好,最終選擇試左2刀先,第1次界都好唔小心咁界到2支花菖,到第2次界既時候就穩定好多,有人教要取出芯片,就會冇咁多潺,但我真係唔知邊塊係,唯獨後來有一隻浸左水澎漲左,我先見到芯片,第1次成功拔出

另外要清除水仙頭底枯萎的舊泥,我其實都唔知要清幾多先叫夠,所以都係隨便咁清,有d都係浸左水發覺好似唔夠乾淨就再清一清

第一次界的水仙頭都要浸左一個星期先開始發芽,初初發芽都好似比較慢,第一批我有嘗試浸左1晚矮仔粉,買水仙頭姐姐教我如果用矮仔粉就先頭2日全個浸24小時清水,第3-4日全個浸24小時矮仔粉,但我見好少人教要全浸咁多日,最終我縮短左1日,只浸左1日矮仔粉後就可以只浸根部

左邊是第一組界的4個,右邊紫色圓盤第二次界的3個,有一個除泥時已爛

浸左一星期的效果,根開始慢慢長出

23-1-19 年十八,浸養10天,葉都開始明顯長高,變綠,水仙頭脹大了很多

29-1-19(年廿四)
浸左2星期根,已經漸入佳景,已經有花苞開始出來,而且每個頭都有7-8菖,菖菖都有花苞,如果成功開花應該會好靚,根部都生得唔錯

31-1-19 (年廿六)
開花了,這盤花有3個水仙頭,合共22菖花,全部已標出花苞,好期待全開,相信一定好靚

5-2-19(年初一)
年初一盤水仙爆開花了…..好漂亮,但就越生越高

7-2-19(年初三)
一星期前開既花已經開始凋謝了

10-2-19(年初六)
還有2/3的花還未凋謝